سەرۆك بارزانی هیچ داخۆیانییەك ل دۆر پۆستێ سەرۆك وەزیرێن ئیراقێ نەدایە
بارەگەهێ بارزانی د رۆهنكرنەكێدا وێ داخۆیانیێ رەت دكەت ئەوا ب ناڤێ سەرۆك بارزانی ل دۆر سەرۆك وەزیرێن ئیراقێ، هاتیە بەلاڤكرن.
دەقێ رۆهنكرنا بارەگەهێ بارزانی:
د چەند پێگەهێن میدیایی و سۆشیال میدیایێدا داخۆیانییەك ب ناڤێ سەرۆك بارزانی بەلاڤبوویە و تێدا هاتیە كو سەرۆك بارزانی دژی دوبارە دانانا محەمەد شیاع سۆدانی یە بۆ پۆستێ سەرۆك وەزیرێن ئیراقێ.
ل ڤێرێ رادگەهینین كو هیچ بنەمایەك بۆ ڤی بابەتی نینە و یێ دوورە ژ راستیێ، ئارمانج ژی ژ بەلاڤكرنا ڤی دەنگۆباسی تێكدانا وی سەقایێ ئەرێنییە ئەوێ د پەیوەندیێن حوكمەتا هەرێما كوردستانێ و حوكمەتا ئیراقا فیدرالدا پەیدا بووین.
