سەرۆك بارزانی و بالیۆزێ بریتانیا دوپاتیێ ل پێشڤەبرنا پەیوەندییان دكەن
دوهی سێشەمبی 22/4/2025 ل سەلاحەدین سەرۆك مەسعود بارزانی پێشوازی ل عرفان سدیق، بالیۆزێ نوو یێ بریتانیا ل ئیراقێ كر.
بارەگەهێ بارزانی د بەیاننامەیەكێدا بەلاڤكر» ل دەسپێكێ سەرۆك بارزانی ب خێرهاتن و پیرۆزباهییەكا گەرم ل بالیۆزێ نوو یێ بریتانیا ل ئیراقێ كر بۆ دەستبكاربوونێ و سەرەرای دەربڕینا هەموو جۆرێن پشتەڤانییا خوە، هیڤییا سەركەفتنێ د ئەرك و كارێن وی دا بۆ خواست».
هەر د وێ دیدارێدا باس ل روودانێن دەڤەرێ ب گشتی و پەیوەندیێن د ناڤبەرا حوكمەتا هەرێما كوردستانێ و حوكمەتا ئیراقا فیدرال و هەلبژارتنێن داهاتی یێن جڤاتا نوونەرێن ئیراقێ، هاتە كرن.
ل دووماهییا وێ دیدارێ دوپاتی ل پێشڤەبرنا دۆستایەتیێ وپەیوەندیێن دیرۆكی د ناڤبەرا گەلێ كوردستانێ و بریتانیا دا، هاتە كرن.
