سەرۆك بارزانی و بالیۆزێ بەلجیكا گەفێن تیرۆرێ و پێدڤییا پاراستنا ئارامییا دەڤەرێ گەنگەشەكر
سەرۆك مەسعود بارزانی، ل سەلاحەدین پێشوازی ل سێرج دیكشن، بالیۆزێ بەلجیكا ل ئیراقێ و ئوردنێ كر.
بارەگەهێ بارزانی بەلاڤكر» د دیدارەكێدا، بالیۆزێ بەلجیكا رۆلێ سەرۆك بارزانی د خەباتا گەلێ كوردستانێ و ب دەستڤەئینانا سەقامگیریێ ل هەرێما كوردستانێ و ئیراقێ بلند هەلسەنگاند و پیرۆزباهییا سەركەفتنا هەلبژارتنێن پەرلەمانێ كوردستانێ ل ئۆكتۆبەرا بۆری ئاراستەی سەرۆك بارزانی كر و پشكدارییا رێژەیا بەرچاڤ یا خەلكێ كوردستانێ د هەلبژارتناندا ب پێنگاڤەكا كاریگەر بۆ ب هێزبوونا شەرعیەتێ هەژمارت».
ب گۆڕەی بەیاننامەیێ» بالیۆزێ بەلجیكا ئەوژی دوپاتكر كو ل دەف وەلاتێ وی و ئێكەتییا ئۆرۆپا، سەقامگیرییا هەرێما كوردستانێ گرنگییەكا تایبەت یا هەی».
هەر د وێ دیدارێدا بیر و بۆچوون ل دۆر دوماهی پێشهات و گوهۆڕینێن دەڤەرێ و گەف و مەترسیێن تیرۆرێ و پێدڤییا پاراستنا ئاسایش و ئارامییا دەڤەرێ هاتنە لێكگوهارتن.
