سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
دوهی دوشەمبی 30/6/2025، سەرۆك مەسعود بارزانی ل سەلاحەدین، پێشوازی ل پاتریك دورێل، بالیۆزێ فرەنسا ل ئیراقێ كر.
د دیدارەكێدا كو یان برێم، قونسلێ گشتیێ فرەنسا ل هەولێرێ بەرهەڤبووی، بیر و بۆچوون ل دۆر رەوشا سیاسی و دووماهی پێشهاتێن دەڤەرێ و مەترسی و گەفێن سەر ئارامییا دەڤەرێ هاتنە لێكگۆهارتن.
هەر د وێ دیدارێدا، باس ل كێشەیێن د ناڤبەرا هەولێرێ و بەغدایێ و هەلسەنگاندن بۆ دووماهی دانوستاندنێن د
ناڤبەرا حوكمەتا هەرێما كوردستانێ و حوكمەتا ئیراقا فیدرال هاتە كرن.
هەلبژارتنێن مەها نۆڤیەمبەرا داهاتی یێن جڤاتا نوونەرێن ئیراقێ و قۆناغا داهاتییا پرۆسەیا سیاسییا ئیراقێ و هەروەسا هەڤبەندیێن د ناڤبەرا هەرێما كوردستانێ و فرەنسا، تەوەرێ دی یێ وێ دیدارێ بوون.
