سەرۆك بارزانی و سكرتێرێ بزاڤا دیموكراتی یا ئاشووری هەڤخەمیا خوە بۆ قوربانیێن حەمدانیە دیار دكەن
سەرۆك مەسعود بارزانی پێشوازی ل شاندەكێ بلند یێ بزاڤا دیموكراتی یا ئاشووری ب سەرۆكایەتیا یەعقوب گورگیس سكرتێرێ وێ حزبێ كر.
د دیدارەكێ دا هەردو ئالیان هەڤخەمیا خوە بۆ كەسوكارێن قوربانیێن ڕوودانا دلتەزین یا ئاگربەربوونێ ل قەزا حەمدانیە ڕاگەهاند كو تێدا ب سەدان وەلاتیان گیانێ خوە ژ دەستدا و بریندار بوون. د پشكەكا دی یا دیدارێ دا ڕەوشا سیاسی یا ئیراقێ و هەرێما كوردستانێ و ب هێزكرنا بنەمایێن پێكڤەژیانێ و سەقامگیریێ و پەیوەندیێن دو قۆلی هاتنە باسكرن و سەرۆك بارزانی پیرۆزباهی ل یەعقوب گورگیس كر ب هەلكەفتا هەلبژارتنا وی وەكو سكرتێرێ بزاڤا دیموكراتی یا ئاشووری.
