سەرۆك بارزانی و قونسلێ چینێ پێشڤەبرنا پەیوەندیێن هەولێرێ و پكین گەنگەشە دكەن
سەرۆك مەسعود بارزانی پێشوازی ل لیۆ جیۆن، قونسلێ گشتیێ نوو یێ چینێ ل هەولێرێ و شاندەكێ د گەلدا كر.قونسلێ چینی سەرەرای ئاماژە دان ب پەیوەندیێن دیرۆكی د ناڤبەرا بارزانیێ نەمر و سەركردەیێن چینێ و جزبا شیوعی یا چینی و پارتی، خواست پەیوەندیێن چینی و هەرێمێ د بوارێن جۆرا و جۆرێن ئابۆری، كەلتووری، زانستی، بازرگانی و گەشتكرنا وەلاتیان زێدەتر بەر پێشڤە بچن. سەرۆك بارزانی پێزانین بۆ دیرۆك و شارستانیەتا چینێ و گەل وسەركردایەتیا چینێ هەبوون كو ئاستەنگێن گەلەك مەزن دەرباز كرینە و خزمەتەكا مەزن پێشكێشی مرۆڤایەتیێ و جیهانێ كریە و خوەشحالیا خوەژی بۆ بەرفرەهكرنا پەیوەندیێن د ناڤبەرا هەردو ئالیان دا نیشا دا.
