سەرۆك بارزانی و موسەننا سامەرائی رەوشا سیاسییا ئیراقێ گەنگەشە كرن
سەرۆك بارزانی و سەرۆكێ هەڤپەیمانییا عەزم، دانوستاندن ل دۆر كێشەیێن هەرێما كوردستانێ و حوكمەتا ئیراقا فیدرال كر، هەڤدەم هەردو ئالییان دوپاتی ل پێدڤییا پێگیریبوونێ ب دستووری، هەڤپشكیێ و هەڤسەنگیێ كر.
ل سەلاحەدین، سەرۆك مەسعود بارزانی، پێشوازی ل موسەننا سامەرائی، سەرۆكێ هەڤپەیمانییا عەزم كر.
بارەگەهێ بارزانی بەلاڤكر» د دیدارەكێدا دووماهی گوهۆڕین و پێشهاتێن دەڤەرێ و ئیراقێ هاتنە باسكرن، هەروەسا گەنگەشە ل دۆر پڕۆسەیا سیاسییا ئیراقێ هاتە كرن».
هەڤدەم هەردو ئالییان دوپاتی ل پێدڤییا پێگیریبوونێ ب دستووری، هەڤپشكیێ و هەڤسەنگیێ كر.
كێشەیێن د ناڤبەرا هەرێما كوردستانێ و حوكمەتا ئیراقا فیدرال تەوەرەكێ دی یێ دیدارێ بوو.
