سەرۆك بارزانی پشتەڤانییا خوە بۆ سەرئێخستنا بزاڤێن رەڤەندا كوردستانێ دیاركر
بارەگەهێ بارزانی راگەهاند، رۆژا دوشەمبی 1/12/2025 ، سەرۆك مەسعود بارزانی ل پیرمام ێشوازی ل رەحیم رەشید (مستەر كورد) بەرپرسێ نڤیسینگەها هەڤبەندیێن نێڤدەولەتی یێن كۆنفیدڕاسیۆنا رەڤەندا كوردستانێ كر.
د دیدارەكێدا باس ل رۆل و پێگەهێ رەڤەندا كوردستانی و پێدڤییا خەباتا نەتەوەیی ل دیاسپۆرا هاتە كرن.
سەرۆك بارزانی رۆلێ رەڤەندا كوردستانی ب گرنگ هەژمارت ژ پێخەمەت پێشئێخستنا دۆزا رەوایا گەلێ كورد و پشتەڤانی و پالپشتییا خوەژی بۆ سەرئێخستنا بزاڤێن رەڤەندا كوردستانی نیشادا و ئاماژە ب وێ چەندێ كر ئەڤە پڕۆژەیەكێ نەتەوەیی و نیشتمانییە بۆ هەموو كوردستانییان.
هەر د وێ دیدارێدا بەرپرسێ نڤیسنگەها هەڤبەندیێن نێڤدەولەتی یێن كۆنفیدڕاسیونا رەڤەندا كوردستانی رۆناهی ئێخستە سەر وان كار و چالاكیێن كو ل ئاستێ نێڤدەولەتی ژ پێخەمەت دۆزا رەوایا گەلێ كوردستانێ ئەنجامداینە.
