سەرۆك بارزانی پشكداری د بەهیا پێشمەرگەیێ دێرین حاجی میرخان دۆلەمەری دا كر
سەرۆك مەسعود بارزانی دوهی پشكداری د بەهیا حاجی میرخان دۆلەمەری دا كر، كو د روودانەكا هاتنوچوونێ دا گیانێ خۆ ژ دەست دا بوو.
حاجی میرخان دۆلەمەری، پێشمەرگەیێ دێرین و بەرپرسێ دەزگەهێ ئیلۆنێ و گولانێ ل سۆران، ب روودانەكا هاتنوچوونێ ل ناحیا ڕۆڤیا گیانێ خۆ ژ دەست دا.
دوهی د رێورەسمەكی دا، ب بەرهەڤبوونا مەلا مستەفا بارزانی و سیداد بارزانی و هەژمارەكا زۆر یا كەسایەتیێن دەڤەرێ تەرمێ حاجی میرخان دۆلەمەری ل گۆڕستانا گوندێ خەردن ل دەڤەرا بارزان هاتە ڤەشارتن.
نێچیرڤان بارزانی، سەرۆكێ هەرێما كوردستانێ د پەیامەكێ دا سەرەخۆشی ل مالباتا حاجی میرخان دۆلەمەری، كەسایەتیێ دیار و پێشمەرگەیێ دێرین و بەرپرسێ دەزگەهێ ئیلۆن و گولانێ ل سۆران كر و دبێژیت:»هەڤسۆز و هەڤخەمێ مالبات و كەسوكار و هەڤالێن پێشمەرگەیێ دێرێنم».
هەر دوهی مەسرور بارزانی، سەرۆكێ حوكمەتا هەرێما كوردستانێ ل پیرمام، پشكداری د بەهییا كەسایەتی و پێشمەرگێ هەردو شۆڕەشێن ئیلۆن و گۆلانێ و هەلگرێ میدالیا بارزانی و بەرپرسێ دەزگەهێ ئیلۆن و گۆلانێ ل ئیدارەیا سەربخوە یا سۆران، حاجی میرخان دۆلەمەری دا كر.
