سەرۆك بارزانی: پێدڤیە ئیراق قەرەبوویا جینۆساید و ستەمێن دژی مللەتێ مە هاتینە كرن بدەت
سەرۆك مەسعود بارزانی ل سالڤەگەرا 35 یا ئەنفالا بەهدینان پەیامەك بەلاڤكر و تێدا ڕادگەهینیت، پێدڤیە دەولەتا ئیراقێ قەرەبوویا جینۆساید و وان ستەمان بكەت ئەوێن دژی مللەتێ مە هاتینە كرن.
سەرۆك بارزانی دبێژیت» ئارمانجا وێ كریارێ شكاندنا ئیرادەیا شۆڕەشگێری یا بەهدینان بوو، بەلێ گەلێ كوردستانێ خودان ئیرادە و دۆزەكا ڕەوا بوو و چو جاران ل بەرانبەر وان تاوان و ستەمكاریێن دوژمنی خوە ب دەستڤە بەر نەدا. ئەو دوژمن و تاوانبار بوون كو باجا شاشی و تاوانێن خوە دای، ئەڤە وانەیەكا مەزنە بۆ ڕۆلێن گەلێ مە و هەم ژی بۆ نەیار و نەحەزێن گەلێ كوردستانێ».
سەرۆك بارزانی دوپاتی ل وێ چەندێ دكەت» پێدڤیە دەولەتا ئیراقێ قەرەبوویا جینۆسایدێ و ئەو تاوان و ستەمان بكەت یێن كو دەرهەقی مللەتێ مە هاتینە كرن».
