سەرۆك بارزانی پێشوازیێ ل بلندكرنا ئاستێ پەیوەندیێن دبلۆماسی د ناڤبەرا هەرێمێ و قەتەرێ دا دكەت
سەرۆك مەسعود بارزانی ل سەلاحەدین پێشوازی ل حسێن عەلی سالح فەزالە ئێكەمین قونسلێ گشتیێ وەلاتێ قەتەرێ ل هەولێرێ كر و د دیدارەكێ دا قونسلێ قەتەرێ سلاڤێن میر و سەرۆك وەزیرێن قەتەرێ گەهاندنە سەرۆك بارزانی و دیاركر كو دێ بزاڤان كەت بۆ هاریكاری و هەماهەنگیێ د بوارێ ڤەژاندنا ژێرخانەیا ئابۆری و پێشڤەبرنا پەیوەندیێن هەردو ئالیان، سەرۆك بارزانی پیرۆزباهی و دەستخوەشی ل قونسلێ گشتیێ وەلاتێ قەتەر كر و پێشوازی ل بلندكرنا ئاستێ پەیوەندیێن دبلۆماسی د ناڤبەرا هەرێما كوردستانێ و وەلاتێ قەتەر كر و دوپاتی ل پێشڤەبرنا دۆستایەتی وپەیوەندیێ د ناڤبەرا هەردو ئالیان دا كر.
