سەرۆك بارزانی پێشوازیێ ل كەسوكارێن پێشڕەو دزەیی دكەت
سەرۆك مەسعود بارزانی دوهی شەمبیێ 27/1/2024 ل سەلاحەدین پێشوازی ل مالبات و كەسوكارێن پێشڕەو دزەیی كر.
ب گۆڕەی بەیاننامەیەكا بارەگەهێ بارزانی» سەرۆك بارزانی د دیدارەكێ دا و سەبارەت روودانا شەهیدكرنا پێشڕەو دزەیی و مووشەكبارانكرنا مالا وی ژ ئالیێ لەشكرێ پاسدارێن ئیرانێ ڤە راگەهاند» ئەو تاوانە ستەمەكا مەزن بوو بەرانبەر مالباتا شەهید پێشڕەو دزەیی و خەلكێ كوردستانێ هاتیە كرن».
هەر د ئەوێ دیدارێ دا، موحسن دزەیی، كەسایەتیێ ناڤدارێ هەرێما كوردستانێ، سوپاسیا پشتەڤانی و هەلوەستێ سەرۆك بارزانی كر « كو هەر ژ رۆژا ئێكێ ئەو كارەساتە ب خەما خوە زانییە و هەروەسا سوپاسیا بەرهەڤبوونا سەرۆك بارزانی د رێورەسمێ ڤەشارتنا شەهیدێن ئەوێ روودانێ كر».
بارەگەهێ بارزانی ئاماژە كر» عەبدوللا مەجید دزەیی، ب ناڤێ خوە و مالباتا خوە پێزانینا خوە بۆ سەرۆك بارزانی نیشادا و سۆز دا» ل سەر رێكا شەهید پێشڕەو دزەیی بۆ ئاڤەدانی و خزمەتكرنا خەلكێ كوردستانێ بەردەوام بن».
