سەرۆك بارزانی : چایخانەیا شەهیدان جهەكێ كەلتووری و گرنگە ل باژێرێ دهۆكێ
ل ئێڤارییا دوهی سێشەمبی 28/10/2025، د چارچۆڤەیێ سەرەدانا خوە دا بۆ باژێرێ دهۆكێ سەرۆك بارزانی سەرەدانا چایخانەیا شەهیدان ل ناڤا بازارێ دهۆكێ كر، كو تابلۆ و وێنەیێن هزار شەهیدێن شەڕێ داعشێ و شەهیدێن شۆڕشێن بزاڤا رزگاریخوازا كوردستانێ و كەلوپەلێن دێرینێن كوردەواری لێ هاتینە دانان.
سەرۆك بارزانی سەرەرای دەستخوەشیێ بۆ وان بزاڤێن نیشتمانی و كوردپەروەرانە و وەفایێ بۆ خوونا شەهیدان سۆزا وێ چەندێ ب خودانێ چایخانەیێ دا كو هاریكار بیت بۆ بەرفرەهكرنا چایخانەیێ وەك جهەكێ كەلتووری و گرنگ ل ناڤ باژێرێ دهۆكێ، هەروەسا د وێ سەرەدانێدا سەرۆك بارزانی دیدار و چاڤپێكەفتن ل گەل وەلاتییان هەبوون.
