سەرۆك كۆمارێ توركیا و سەرۆكێ كەنیسەیا سریانی ئەرتەدۆكسی ل جیهانێ سەرەخوەشیێ ل سەرۆك بارزانی دكەن
رەجەب تەیب ئەردۆگان، سەرۆك كۆمارێ توركیا پەیامەكا سەرەخوەشیێ ئاراستەی سەرۆك بارزانی كر بۆ وەرغەركرنا زەكیا مستەفا بارزانی.
د پەیاما سەرۆك كۆمارێ توركیا دا بۆ سەرۆك بارزانی هاتییە» ب مخابنی ڤە دەنگوباسێ وەغەركرنا زەكیا مستەفا بارزانی، خووشكا هەوەیێن ب رێز گەهشتە من و ژ ناخێ دلێ خوە سەرەخوەشیێ ئاراستەی هەوە و مالباتا هەوەیێن ب رێز دكەم».
د پشكەكا دی یا پەیاما سەرۆك كۆمارا توركیا دا هاتییە» د ئەڤێ هەلكەفتا خەمگین دا ب ناڤێ خوە و گەلێ توركیا هیڤییا ساخلەمییەكا باش بۆ هەوە دخوازم».
ژ ئالیێ خوەڤە پاتریارك مار ئەغناتیۆس ئەفرامێ دویێ، سەرۆكێ كەنیسەیا سریانی یا ئەرتەدۆكسی ل جیهانێ پەیاما سەرەخوەشیێ ئاراستەی سەرۆك بارزانی كر و هەڤخەمیا خوە دەربڕی بۆ وەغەركرنا خووشكا وی، زەكیا مساەفا بارزانی.
د پەیاما پاتریارك مار ئەغناتیۆس ئەفرامێ دویێ بۆ سەرۆك بارزانی دا هاتیە» ب مخابنی ڤە دەنگوباسێ وەغەركرنا خووشكا هەوەیێن ب رێز رەحمەتی زەكیا مستەفا بارزانی گەهشتە من، ب ڤێ هەلكەفتا خەمگین سەرەخوەشییا خوە یا گەرم ئاراستەی فەخامەتا هەوە و ئەندامێن مالباتا هەوەیێن ب رێز دكەین».
