سەرۆککۆمارێ ئیرانێ: خوە رادەست ناکەین
مەسعود پزیشکیان سەرۆک کۆمارێ ئیرانێ دیار کر، سزایێن ڤێ دووماهیێ یێن ئەمریکا دێ رەوشا هەی ئالۆزتر لێ کەت و ئیران چو دەمەکێ خوە رادەست ناکەت، هەکە ئەمریکا بڤێت پرسێن هەی چارەسەر بکەت دڤێت رێیا دانوستاندنان هەلبژێریت، لێ مخابن یا نها ئەمریکا دکەت دێ بیتە ئەگەرێ ئالۆزیێن زێدەتر و بێگومان ئیران دێ هەتا دووماهیێ خوەراگر بیت و ئیرادەیا خوە رادەست ناکەت.
سەرۆک کۆمارێ ئیرانێ ئەو یەک ژی دیار کر، بۆ هەموو جیهانێ هاتیە سەلماندن کو ئارمانجا ئەمریکا چارەسەری نینە، ئەمریکا نەشیا ب شەڕی ئیرانێ لاواز بکەت و نها رێیا سزایێن ئابووری گرتیە بەر و ئەو یەک ژی چو ئەنجامێن خوە نابیت، چونکی ب سالانە سزا ل سەر ئیرانێ هەنە و ئیرانێ شیایە پێش کەڤیت و خوە بهێز بکەت و ئیران دێ دیسان ل سەر رێیا خوە یا راست بەردەوام بیت.
