سەرۆکێ حوکمەتا هەرێمێ سوپاسیا هێزێن ئێمناهیێ كر
ئەڤرۆ نیوز:
سه‌رۆكێ حوکمه‌تا هه‌رێما كوردستانێ ده‌ستخۆشى ل هێزێن ئیمناهیێ كر بۆ گرتنا گرۆپێن هێرشكه‌ر ل هه‌رێمێ و راگه‌هاند: ئاساییش و ئاشتى ژ كارێن وان یێن پێشیێ نه و رێ ناده‌ن كه‌س تێكبده‌ت.
مه‌سرور بارزانى د توویته‌كى دا راگه‌هاند: ئه‌و سوپاسییا هێزێن ئێمناهیێ دكه‌ت بۆ ده‌سته‌سه‌ركرنا وان گرۆپان یێن دخواست كارێن تێكده‌رانه ل كوردستانێ بكه‌ن، چونکی ئاساییش و ئاشتیا هه‌رێما كوردستانێ ژ كارێن پێشیێ یه و رێ ناده‌ن چو كه‌س وێ چەندێ تێكبده‌ت.
جڤاتا ئاساییشا هه‌رێما كوردستانێ دوهى د به‌یانه‌كێ دا ده‌سته‌سه‌ركرنا سێ گرۆپان راگه‌هاند و ئاشكرا كر، گرۆپه‌كێ ژ وان سه‌ر ب پارتییا كاركه‌رێن كوردستانێ په‌كه‌كێ ڤه‌یه و پلان هه‌بوون هێرشێ بكه‌نه سه‌ر كونسلخانه‌یه‌كێ ل هه‌ولێرێ و دبلۆماتكاران بكه‌نه ئارمانج.
ناڤهاتی گۆت ژى: گرۆپه‌كێ دى ژى بزاڤ دكرن پارێزگه‌ره‌كێ هه‌رێما كوردستانێ تیرۆر بكه‌ن، گرۆپێ سیێ ژى چه‌ندین ساله كار بۆ كۆمكرنا ئاگاهیێن هه‌والگێرى و سه‌ربازى ل دۆر دام و ده‌زگه‌هێن حكومه‌تا هه‌رێمێ دكر.
