سەرۆکێ زانکۆیا مووسل: دێ ل ھەرێمێ دەوامێ کەین
ئەڤرۆ:
سەرۆکێ زانکۆیا مووسل دکتۆر ئوبەیی سەعید دێوەچی بۆ رۆژناما ئەڤرۆ دیارکر کو ١٤ ھزار قوتابیێن زانکۆیا مووسل نوکە ل ھەرێما کوردستانێ د ئاکنجی نە، لەورا دبیت ھندەک پشکێن زانکۆیا مووسل ل ھەرێمێ بھێنە ڤەکرن و ئەو قوتابیێن ئاوارە ل ھەرێمێ بەردەوامیێ بدەنە خواندنا خوە.
دکتۆر ئوبەیی سەعید دێوەچی ئەو ژی ئاشکراکر کو نێزیکی ٧٥٠ مامۆستایێن زانکۆیا مووسل ژی ل ھەرێمێ نە و ل ھندەک پشکێن مرۆڤایەتی دبیت چو ئاریشە ل ستافێ ئەکادیمی دا نەبیت و بشێن پشتبەستنێ ل سەر مامۆستایێن خوە بکەن بۆ ڤەکرنا وان پشکان، گۆت ژی وەزارەتا خواندنا بلند یا بەغدا ل سەر ڤێ پێنگاڤێ یا رازیی یە و ب تنێ ل ژڤانی رازیبوونا وەزارەتا خونادنا بلند یا ھەرێمێ دکەن و جھەک بۆ بھێتە دابین کرن، ب فەر ژی زانی ل زانکۆیەکا ھەرێمێ جھەک ل پشتی ئێڤاری بۆ بھێتە دابین کرن داکو خواندانا ئەڤ سالە ژ قوتابیێن زانکۆیا مووسل نەچیت.
