سەرۆکێ هەرێمێ ل گەل جێگرێ وەزیرێ دەرڤە یێ روسیا کۆمبوو
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل میخائیل بۆگدانۆڤ جێگرێ وەزیرێ دەرڤە یێ روسیا کۆمبوو.
د کۆمبوونێ دا بەحسێ رەوشا دەڤەرێ و ئالۆزیێن ل عیراقێ و بابەتێ دیارکرنا سەرۆک وەزیرەکێ نوو بۆ عیراقێ هاتە کرن و جێگرێ وەزیرێ دەرڤە یێ روسیا پشتەڤانیا وەلاتێ خوە بۆ ئارامیا عیراقێ دیار کر و هێڤی خواست کو ئاریشێن د ناڤبەرا هەرێما کوردستانێ و عیراقێ دا ژی بهێنە چارەسەرکرن.
د پشکەکا دی یا کۆمبوونێ دا بەحسێ رەوشا سووریێ ژی هاتە کرن و سەرۆکێ هەرێما کوردستانێ پشتەڤانیا بۆ خوە چارەسەرکرنا قەیرانا سووریێ دیار کر کو تێدا مافێن گەلێ کورد بهێنە گەرەنتیکرن و رەوشا سووریێ ژی ب گشتی ئاسایی ببیت.
