سەرۆکێ هەرێمێ ژ بۆ وەغەر کرنا هونه‌رمه‌ندێ کورد سه‌عید یوسفی په‌یامەکا هەڤخه‌میێ راگه‌هاند
ئەڤرۆ نیوز:
ب ئەگەرێ وەغەر کرنا هونه‌رمه‌ندێ ناڤدارێ كورد “سه‌عید یوسف”، نێچیرڤان بارزانی سه‌رۆكێ هه‌رێما كوردستانێ په‌یامەک بەلاڤ كریه.
د توویتەكێدا سه‌رۆكێ هه‌رێما كوردستانێ راگه‌هاندیه، ب بیستنا نووچێ وەغەر کرنا هونه‌رمه‌ندێ ناڤدارێ كورد سه‌عید یوسف گەلەک خه‌مبار بووین، خودێ ژێ رازی هه‌موو ژیانا خوە بۆ خزمه‌تكرنا هونه‌رێ كوردی ته‌رخان كریە و خزمه‌تەکا مەزن بۆ موزیك و ئاوازێن كوردی كریە.
سه‌رۆكێ هه‌رێما كوردستانێ دوپات كریه، خودێ ژێ رازی، ل پشت خوە سه‌رمایه‌كێ مەزن و ده‌وله‌مه‌ند یێ هونه‌ری بجهـ هێلایە، ئه‌و هه‌ردەم ب ده‌نگ و ئاواز و هونه‌رێ خوە دێ ب زیندی ل دەف مە مینیت.