سەرۆک بارزانی دێ سەرەدانا ئەمریکا کەت
ئەڤرۆ:
ل گۆر زانیاریێن ب دەست رۆژناما ئەڤرۆ کەفتین، مەسعود بارزانی سەرۆکێ ھەرێما کوردستانێ دێ سەرەدانا ئەمریکا کەت و ل گەل مەزنە بەرپرسێن وی وەلاتی کۆم بیت.
رۆژناما ئەڤرۆ پەیوەندی ب فەلاح مستەفا بەرپرسێ فەرمانگەھا پەیوەندیێن دەرڤە یێن حوکمەتا ھەرێمێ کر، لێ ناڤھاتی نەخواست چو زانیاریان ل دۆر دەم و ناڤەرۆکا سەرەدانێ بدەت و گۆت:(ھەر دەمێ سەرەدانێ بکەت، سەرۆکاتیا ھەرێمێ پێشوەخت دێ راگەھاندنەکێ بەلاڤ کەت).
ھەر ل دۆر سەرەدانا سەرۆک بارزانی بۆ ئەمریکا، ھاریکارێ وەزیرێ دەڤەر یێ ئەمریکا بۆ “رووداو” گۆتیە:(چاڤەڕێ ینە د دەمەکێ نێزیک دا پێشوازیێ ل بارزانی بکەین).
برێت ماکگوێرک ئاماژە ب وێ چەندێ ژی کریە کو ئەو نوکە مژوولی بەرھەڤیانە بۆ سەردانا سەرۆکێ ھەرێما کوردستانێ.
دھێتە چاڤەرێکرن، بارزانی د وێ سەرەدانێ دا ل گەل باراک ئۆباما سەرۆکێ ئەمریکا و جۆ بایدن جێگرێ سەرۆکێ ئەمریکا دیداران ئەنجام بدەت.