سەرۆک بارزانی دێ سەرەدانا ھژمارەکا وەلاتان کەت
ئەڤرۆ نيوز:
ژڤانە سەرۆکێ ھەرێما کوردستانێ سەرەدانا ئیران و تورکیا و ھژمارەکا وەلاتێن ئۆروپی بکەت.
د رۆھنکرنەکێ دا، پەیڤدارێ سەرۆکایەتیا ھەرێما کوردستانێ راگەھاند، کۆمارا ئیسلامی یا ئیرانێ، بەری نوکە ب فەرمی داخوازنامەک ئاراستەی سەرۆکێ ھەرێما کوردستانێ کربوو، کو سەرەدانا وی وەلاتی بکەت، بارزانی ژی داخوازناما ئیرانێ قەبوول کریە.
دکتۆر ئومێد سەباح ئاماژە ب وێ چەندێ ژی کریە، کو دەمەکە سەرەدانا بارزانی بۆ ئیرانێ، شرۆڤە و لێکدانێن جودا ژ ئالیێ دەزگەھێن راگەھاندنێ ڤە بۆ دھاتنە کرن، لێ د راستی دا، ب تنێ رێککەفتنا ل سەر دەمەکێ گونجای یا مای.
ھەروەسا ژڤانە ئەڤرۆ سەرۆک بارزانی سەرەدانا وەلاتێ تورکیا بکەت و ل گەل سەرۆک کۆمار و سەرۆک وەزیرێن وی وەلاتی کۆم ببیت و ل دووڤ دا سەرەدانا ھژمارەکا وەلاتێن ئورۆپی بکەت.
سەرەدانا بارزانی بۆ ئەنقەرە یا ھەڤدەمە ل گەل سەرەدانا جۆ بایدن جێگرێ سەرۆکێ ئەمریکا بۆ ئەنقرە.
