سەرۆک بارزانی ل گەل نوونەرا سکرتێرێ گشتی یێ نەتەوێن ئێکگرتی کۆمبوو
ئەڤرۆ نیوز:
ئەڤرۆ سەرۆک مەسعود بارزانی ل گەل خانم هنیس پلاسخارت نوونەرا سکرتێرێ گشتی یێ نەتەوێن ئێکگرتی ل عیراقێ کۆمبوو.
د کۆمبوونێ دا بەحسێ رەوشا سیاسی یا عیراقێ و ئالۆزیێن نها هاتە کرن و هەر دو ئالیان دلگرانیا خوە ل هەمبەر رەوشا ئالۆز یا ل عیراقێ دیار کرن.
د کۆمبوونێ دا بەحسێ بزاڤێن بۆ ئاڤاکرنا کابینا نوو یا حوکمەتێ ژی هاتە کرن و هاتە دیار کرن کو دڤێت رێز ل هەموو پێکهاتێن ل عیراقێ بهێتە گرتن.
د پشکەکا دی یا کۆمبوونا سەرۆک بارزانی ل گەل نوونەرا سکرتێرێ گشتی یێ نەتەوێن ئێکگرتی دا بەحسی چاوانیا چارەسەریا ئاریشێن ل عیراقێ هاتە کرن و بەحسێ رۆلێ نەتەوێن ئێکگرتی ل عیراقێ ژی هاتە کرن.