سەرۆک بارزانی په‌يامه‌كێ ئاراسته‌ى سه‌رۆكێ فلستينێ دكه‌ت
ئه‌ڤرۆنيوز:
ژئه‌گه‌رێ تێكچوونا ره‌وشا ساخله‌ميا سه‌رۆكێ فلستينێ، سه‌رۆك بارزانى په‌يامه‌ك ئاراسته كر.
هيمن هه‌ورامى، به‌رپرسێ كاروبارێن سياسى وپه‌يوه‌نديێن گشتى ل نڤيسينگه‌ها سه‌رۆك بارزانى، دبه‌رپه‌رێ خوه دا ل سه‌ر تۆرا فه‌يسبووكى به‌لاڤكر كو پشتى ل چه‌ند رۆژێن بۆرى ره‌وشا ساخله‌مى يا مه‌حوود عه‌باس سه‌رۆكێ فلستينێ تێكچووى ونه‌شته‌رگه‌رى بۆ هاتيه ئه‌نجامدان، ل سه‌ر فه‌رمانا سه‌رۆك بارزانى، پشتى نيڤرۆيا ئه‌ڤرۆ 22/5/2018 سه‌ره‌دانا كونسۆلێ گشتيێ فلستينێ ل هه‌ولێرێ كر.
هه‌ورامى رۆهنكر ژى كو وى په‌ياما سه‌رۆك بارزانى وژنێزيك ئاگه‌هداربوون ل ره‌وشا ساخله‌مى يا مه‌حموود عه‌باس گه‌هاند وگۆت” مه هيڤى خواست خودێ مه‌زن شيفايا خێرێ بده‌ت”.
دياركر ژى” كونسۆلێ فلستينێ سۆپاسى وپێزانين بۆ په‌ياما سه‌رۆك بارزانى هه‌بوو ودووپاتكر كو گه‌ل وحوكمه‌تا فلستينێ به‌رده‌وام سه‌رۆك بارزانى ب رێبه‌ر وره‌مزێ دۆزا ره‌وا يا گه‌لێ كوردستانێ دهژمێرن”.
