سەرۆک بارزانی پێشوازیێ ل سەرۆک کۆمارێ عیراقێ دکەت
ئەڤرۆ نیوز:
ئەڤرۆ سەرۆک مەسعود بارزانی پێشوازی ل د. بەرهەم سالح سەرۆک کۆمارێ عیراقێ و شاندێ د گەل دا کر کو ژ د. فوئاد حسێن جێگرێ سەرۆک وەزیران و وەزیرێ دارایێ و هژمارەکا شیرەتکاران پێکهاتبوو.
د کۆمبوونێ دا بەحسێ ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان هاتە کرن، هەروەسا مەترسیا داعشێ و گرۆپێن دی یێن تیرۆرستی ل عیراقێ ژی بابەتەکێ دی یێ کۆمبوونا سەرۆک بارزانی ل گەل سەرۆک کۆمار و شاندێ حوکمەتا عیراقێ بوو.
