سەرۆک بارزانی: گەلێ کوردستانێ هاریکاریێن فرانسوا هۆلاندی ژبیر ناکەت
ئەڤرۆ نیوز:
ئەڤرۆکە سەرۆک مەسعود بارزانی پێشوازی ل سەرۆکێ بەرێ یێ فرەنسا فرانسوا هۆلاند و شاندێ د گەل دا کر و د هەڤدیتنێ دا سەرۆک بارزانی راگەهاند کو سەرۆکێ بەرێ یێ فرەنسا د قۆناغەکا گەلەک دژوار دا کو ئەو ژی شەرێ ل دژی تیرۆرستان داعشێ بوو هاریکاریا کوردستانێ کریە و هۆلاند دوستەکێ نێزیکی گەلێ کوردستانێ یە و ئەم چو دەمەکێ هاریکاریێن هۆلاندی ژبیر ناکەین.
سەرۆک بارزانی هەروەسا دیار کر کو حوکمەت و گەلێ فرەنسا دوستێ نێزیکی گەلێ کوردستانێ نە و ئەم شانازیێ ب فرەنسا و گەلێ وێ دکەین.
سەرۆک مەسعود بارزانی ئەو یەک ژی دیار کر کو هەرچەندە سەرۆکێن فرەنسا بهێنە گوهۆرین ژی لێ هەموو دەمەکێ هەلویستێ فرەنسا ل هەمبەر گەلێ کوردستانێ باش بوویە و ئەو یەک ژی جهێ شانازیێ یە.
