سەرۆک وەزیرێن نھا و یێ بەرێ ل سەر داھاتی رێک ناکەڤن
ئەڤرۆ نیوز، نەوزاد ھلۆری:
دناڤ حزبا دەعەوە دا ، ھەر ئێک ژ حەیدەر عەبادی و نوری مالیکی ، لڤاندنێن ب ھێز بو دیارکرنا سەروک وەزیرانیا داھاتیا عیراقێ دکەن ، وان دڤێت رولێ خوە ببینن بو ھەڤکاریکرنا لایەنێن رکابەر بو گەشتن ب رێکەفتنا لسەر بەربژێران.
رۆژنامەیا ( العربی الجدید) دڤی واریدا راپورتەک بەلاڤکریە و ئاماژە ب وێ یەکێ کریە کو دانوستاندنێن زور دناڤبەرا سەرکردەیێن رێزا ئێکێ یێن حزبا دەعوەیا ئیسلامی دھێنەکرن و دخوازن کو بگەھنە رێکەفتنێ داکو کەسەکێ بو پوستێ سەروک وەزیران بەربژێر بکەن ، بەلێ ھەتا نھا نەشیاینە بگەھنە ئەنجامەکێ.
ب گورەی راپورتێ ، ھێشتا ناکوکی دناڤبەرا ھەردوو جەمسەرێن حزبا ناڤبری ( عەبادی و مالیکی) دا بەردەوامن و ھەر ئێک ژ وان دخوازن خوە بەربژێر بکەن بو وەرگرتنا پوستێ سەروک وەزیرانیا داھاتیا عیراقێ ، دحەفتیا بوری ژی دا بزاڤەک بو گەشتنا رێکەفتنێ ھەبوویە بەلێ شکەستن ئینایە و کەس ژ وان بەرھەڤ نەبوو دەستبەردارێ بو یێ دن بکەت.
ھەر ب گورەی پێزانینێن رۆژناما عەرەبی ، جڤاتا شورا یا حزبا دەعوە دەمەکێ زور بزاڤان دکەت رێیەکێ ببینیت ڤە ، و کو ھەموو لایەن رازی بن لسەر وێ یەکێ کو پوستێ سەروک وەزیرانیا داھاتیا عیراقێ ل دەست پارتا دەعوە بمینیت و بوو چوو لایەنێن دن نەبیت
راپورت ددەت دیارکرن کو جوداھیا دناڤا بەرنامەیێ ھەلبژاردنا ھەڤپەیمانیا نوری مالیکی و حەیدەر عەبادی کێشەکا دن یا وایە ، ژبەرکو نوری مالیکی رژدە لسەر پێکئینانا حوکمەتەکا زورینەیا سیاسی پشتی ھەلبژاردتان ، بەلێ بەرنامە ژلایێ پشکا دن ب تایبەتی ژلایێ حەیدەر عەبادی ڤە سەرۆکێ ھەڤپیەمانیا نەسر وەکو پشتگوھـ ھاڤێتن بەردەوام سەحدکەنێ ل گەل درۆستکرن و پێکئینانا حوکمەتەکا تەوافقی یە.
بریارە رۆژا 12/5/2018 ھەلبژاردنێن عیراقێ بھێنەکرن و ھەڤرکیەکا زور دناڤبەرا ھەڤپەیمانیا عەبادی و مالیکی ھەیە.