سەرۆک کۆمارێ عێراقێ گەهشتە هەرێما کوردستانێ
ئەڤرۆ نیۆز ، زنار تۆڤی:
ئەڤرۆ سەرۆک کۆمارێ عێراقێ گەهشتە هەرێما کوردستانێ و بریارە ل گەل بەرپرسێن ھەرێما کوردستانێ کۆم ببیت.
ل دووڤ ژێدەرێن نووچەیێن عێراقێ ئەڤرۆ شەمبیێ ٢٥/١١/٢٠١٧، فوئاد مەعسوم، سەرۆک کۆمارێ عێراقێ ب سەرەدانەکێ گەهشتییە باژێرێ سلێمانیێ و هەڤدەم بەری دەمەکێ مالپەرێ فەرمی یێ ئێکەتیا نیشتمانی یا کوردستانێ بەلاڤکریە کو سەرۆک کۆمار گەهشتیە سلێمانیێ.
هەروەسا دهێتە چاڤەرێکرن کو فوئاد مەعسوم ل گەل بەرپرسێن ھەرێما کوردستانێ کۆم ببیت و گوتۆبێژان ل سەر کێشێن دناڤبەرا ھەولێر و بەغدا دا بکەت،ب تایبەتی پشتی کو عەبدولا عەلیاوەیی،راوێژکارێ سەرۆک کۆمارێ عێراقێ ئاشکرا کری کو سەرۆک کۆمار دێ لێژنەیەکێ بۆ پێشێلکاریێن دستووری یێن حوکمەتا فیدرالی پێک ئینیت.
