سەرەدانا گەشتیاران بو ئامێدیێ رێژا پیڤانەیێ شکاند
ئەڤرۆ نیوز، مەحمود نهێلی:
رێڤەبەرێ گەشت و گوزارا ئامێدیێ بو ئەڤرۆ نیوز دیار کر، دیارە رەوشەنبیریەکا گەشیاری ل دەم خەلکێ مە پەیدا بوویە، لێ رەوشنبیریا چاوانیا رێکێن بکار ئینان و مفا وەرگرتنێ ژلایێ گەشتیاری تا رادەیەکی یا لاوازە .
نەزیف موحەمەد علی رێڤەبەرێ گەشت و گوزارا ئامێدیێ دیار کر ژی ، ل دەسپێکا ئەڤ سالە تا نوکە هەژمارەکا زۆرا گەشتیاران سەرا دەڤەرا ئامێدیێ دایە و پتریا وان سەرا چیایێ گارە دایە و بو مەبەستا سەیرانێن بەفرێ و زڤستانێ هاتینە دەڤەرێ و گۆت : د ئەڤە سالە دا ژمارا پیڤانەیی هاتیە شکاند ژلایێ گەشت و گوزارا زڤستانێ و پرانیا ڤان گەشتیاران ژی خەلکێ باشورو ناڤەراستا عیراقێ بوونە و هندەک ژ وانا ژی ژبلی خەلکێ پارێزگەها دهۆکێ و دەڤەرێ ، خەلکێ پارێزگەهێن دی یێن هەرێما کورستانێ و یێن وەلاتێ بیانی بوونە.
ناڤهاتی ئاشکرا کر، وان پرۆژەیەک ل بەردەستە بۆ سالا بهێت خولێن پێگەهاندنێ ڤەکەن ، ژ پێخەمەت پێشڤەبرنا رەوشەنبیریا گوزاری و چاوانیا مفا وەرگرتنێ ژ ژینگەه و سروشتێ کوردستانێ، بو راکێشانا گەشتیاران بو دەڤەرێ و مفا وەرگرتێ بوداهات و پێشخستنا بوارێ ئابوری یێ هاولاتیان .
