سەرەرای سەرکەفتنێ نوونەرا دھۆکێ نەشیا ب گەھیتە یاریا دووماھیێ
ئەڤرۆ نیوز:
نوونەرا پارێزگەھا دھۆکێ د قوناغا چارگوشا زێرینا فوتسالا کوردستانێ تیما ئافرەتێن زێرەڤانی نەشیا پلێتا یاریا دووماھیێ خولێ مسوگەر بکەت سەرەرای سەرکەفتنا خوە یا مەزن ل سەر ئافرەتێن چومان ب ١٠ گولان بەرامبەر ٥ گولان ئەوا بەری دەمەکێ کێم ل ھۆلا چالاکیێن وەرزشی و دیدەڤانی ل دھۆکێ ب دووماھیی ھاتی .
ئافرەتێن زێرەڤانی دڤێ یاریێ دا پێدڤی بوو ب جوداھیا ٩ گولان سەرکەفتنێ ل سەر چومان توماربکەن ژبەرکو ل یاریا ئێکێ دا توشی خوسارەتیێ ببوون ب ١٠ گولان بەرامبەر گولەکێ و ب ڤی ئەنجامی چومان گەھشتە یاریا دووماھیا خولێ کو سەرجەمێ ھەردو یاریان ١٥ گولان بەرامبەر ١١ گولان و بریارە یاریا خوە یا دووماھیا خولێ ل گەل ئافرەتێن سیروان نوو بکەن ئەوا ژلایێ خوە ڤە شیای سەرکەفتنا خوە ل سەر ئافرەتێن ئەڤرۆدێت دوبارە بکەن ب دو گولان بێ بەرامبەر کو ل یاریا ئێکێ ژی ب سەرکەفت بوون ب ٥ گولان بەرامبەر دو گولان.
