شاخه‌وان عه‌بدوللا: سه‌رۆكایه‌تیا هیچ لژنه‌كێ دانانین تا حوكمه‌تێ دهێته پیكئینان
ئه‌ڤرۆ:
جێگرێ سه‌رۆكێ جڤاتا نوونه‌رێن ئیراقێ راگه‌هاند، بۆ پێكئینانا لژنێن به‌رده‌وام ل جڤاتا نوونه‌ران چاڤه‌رێی حوكمه‌تێ دكه‌ین بهێته پێكئینان، تاكو حوكمه‌تا نوو نه‌هێته پێكئینان نه‌شێین لژنان پێكبینین، چونكه سه‌رۆك بۆ هیچ لژنه‌كێ ناهێته دیاركرن بێ پێكئینانا حوكمه‌تێ، ژبه‌ركو هه‌ر حزب و كوتله‌ك وه‌زیره‌كی وه‌ربگریت نابیت سه‌رۆكایه‌تیا لژنا په‌یوه‌ندیدار ب وێ وه‌زاره‌تێ پێ بهێته دان، له‌وما چاڤه‌رێی پێكئینانا حوكمه‌تا نوو دكه‌ین.
شاخه‌وان عه‌بدوللا، جێگرێ سه‌رۆكێ جڤاتا نوونه‌رێن ئیراقێ گۆت” سێ لژنه یێن هاتینه پێكئینان تنێ ئه‌ندام بۆ هاتینه دانان، لژنا په‌یوه‌ندیێن ده‌رڤه و لژنا دارایی و لژنا قانوونی نیسابێ قانوونی بۆ هاتیه تمامكرن بۆ ئه‌نجامدانا كاران و لژنه یێن دروستبووین و نوكه كارێن خوه دكه‌ن، به‌لێ سه‌رۆكێن لژنان هێشتا نه‌هاتینه دیاركرن تاكو حوكمه‌ت نه‌هێته دروستكرن”.
شاخه‌وانی گۆت ژی” سه‌رۆكایه‌تیا هیچ لژنه‌كێ نادانین تاكو حوكمه‌ت دهێته پێكئینان، بۆ وێ چه‌ندێ دیار ببیت كو وی ده‌می هه‌ر حزبه‌كێ هه‌ر وه‌زیره‌ك ب به‌ركه‌ڤیت، ل جڤاتا نوونه‌ران وێ لژنیچ وه‌رناگریت كو یا په‌یوه‌ندیدار بیت ب وێ وه‌زاره‌تێ ڤه”.
