شاخه‌وان عه‌بدوللا: پارتی دێ هه‌موو بزاڤان كه‌ت بۆ گوهۆرینا پارێزگه‌رێ سه‌پاندیێ كه‌ركووكێ
جێگرێ سه‌رۆكێ جڤاتا نوونه‌رێن ئیراقێ ره‌تكر ب رازیوونا پارتی، پارێزگه‌رێ سه‌پاندیێ كه‌ركووكێ د پۆستێ خوه دا به‌رده‌وام بیت و دبێژیت، دێ هه‌موو بزاڤان بۆ گوهۆرینا پارێزگه‌رێ نوكه یێ كه‌ركووكێ كه‌ین.
شاخه‌وان عه‌بدوللا، جێگرێ دوویێ یێ سه‌رۆكێ جڤاتا نوونه‌ران گۆت، پارتی ل گه‌ل دانانا راكان جبووری پارێزگه‌رێ نوكه یێ كه‌ركووكێ نه‌بوو و هه‌تا نوكه ژی دانپێدان پێ نه‌كریه، به‌لێ خه‌لكه‌كێ دی هه‌بوو ئیمزا بۆ دانانا راكان جبووری كریه، ئه‌وێن به‌حسێ رێككه‌فتنێ و رازیبوونا پارتی ل سه‌ر مانا پارێزگه‌رێ كه‌ركووكێ دكه‌ن دووره ژ راستیێ.
شاخه‌وانی گۆت ژی، پشتی پێكئینانا حوكمه‌تا ئیراقی یا نوو دێ ده‌ست ب دانوستاندنان كه‌ین بۆ گوهۆرینا پارێزگه‌رێ كه‌ركووكێ و ئاساییكرنا ره‌وشا كه‌ركووكێ و پارتی ل گه‌ل ئاساییكرنا ره‌وشا كه‌ركووكێ یه و پێشتر ژی بزاڤ بۆ ئاساییكرنا ره‌وشا وێ و دانانا پارێزگه‌ره‌كێ نوو بوو كریه.
