شاخه‌وان عه‌بدوللا پێشنیازه‌كا نوو بۆ ڕاوه‌ستاندنا هێرشێن لسه‌ر كوردستانێ به‌رچاڤ دكه‌ت
ئه‌ڤرۆ:
بڕیاره جڤاتا نوونه‌رێن ئیراقێ ڕۆژا سێشه‌مبیا داهاتی ل دۆر هێرشێن له‌شكری یێن ئیرانێ و توركیا بۆ سه‌ر هه‌رێما كوردستانێ كۆمبیت، شاخه‌وان عه‌بدوللا جێگرێ سه‌رۆكێ جڤاتا نوونه‌رێن ئیراقێ، پێشنیازه‌كا دستووری یا نووب ۆ ڕاوه‌ستاندنا وان هێرشان به‌رچاڤ دكه‌ت.
شاخه‌وان عه‌بدوللا، جێگرێ سه‌رۆكێ جڤاتا نوونه‌رێنئ ئیراقێ گوت” پێدڤیه حوكمه‌تا ئیراقێ ئه‌و ده‌ستهه‌لاتێن هه‌ین بۆ ڕێگریكرنێ ل ده‌ستدرێژیێن ئیرانێ و توركیا بۆ سه‌ر ئاخا ئیراقێ و هه‌رێما كوردستانێ، بكاربینیت و پێدڤیه ڕێ ل هه‌رێما كوردستانێ بهێته دان بۆ ئاگه‌هداركرنا جڤاكێ نێڤده‌وله‌تی ل دۆر پێشێلكرنا سه‌روه‌ریا ئاخا وێ كو ئه‌ڤه ژی كاره‌كێ دستووریه”.
دهێته زانین هێرشێن له‌شكری یێن وه‌لاتێن توركیا و ئیرانێ بۆ سه‌ر چه‌ند ده‌ڤه‌ران ل ناڤ ئاخا هه‌رێما كوردستانێ ب هێجه‌تێن هه‌بوون و چالاكیێن پارتێن دژی حوكمه‌تێن ئه‌نقه‌ره و ته‌هرانێ، یێن به‌رفرهه‌تر بووین، سه‌ره‌رای وێ چه‌ندێ هێرشێن ڤێ دووماهیێ یێن له‌شكرێ پاسداران بۆ سه‌ر كۆیه وزڕگوێز كارڤه‌دانه‌كا مه‌زن یا ناڤخوه‌یی و نێڤده‌وله‌تی په‌یداكربوو، ژ ئالیێ وه‌لاتێن ئه‌ره‌بی و ئورۆپی و ئه‌مریكا ڤه هاتبوونه شه‌رمزاركرن، به‌لێ گه‌ف و هێرش هه‌ر د به‌رده‌وامن.
