شاخەوان عەبدوللا: هیچ بەهانەیك بۆ هنارتنا پەترۆلا هەرێما كوردستانێ نەما
جێگرێ سەرۆكێ جڤاتا نوونەرێن ئیراقێ راگەهاند: هیچ گرفتەك ل پێشبەری هنارتنا پەترۆلا هەرێما كوردستانێ نەما.
شاخەوان عەبدوللا، جێگرێ سەرۆكێ جڤاتا نوونەرێن ئیراقێ د كۆنگرەیەكێ رۆژنامەڤانیدا گۆت» هەموو ئالییەك گەهشتنە وێ باوەریێ كو دڤێت قانوونا بودجەی بهێتە راستڤەكرن، نوكە هیچ گرفتەك ل پێشبەری هنارتنا پەترۆلا هەرێما كوردستانێ نەما».
شاخەوان عەبدوللای رۆهنكر ژی» ل نێزیك دێ دەست ب هنارتنا پەترۆلا هەرێما كوردستانێ هێتە كرن و ئارمانجا مە ئەوە كێشەیا مووچەی نەمینیت و ئێدی نەبیتە دەنگوباسێ رۆژانە».
جێگرێ سەرۆكێ جڤاتا نوونەرێن ئیراقێ باس ل وێ چەندێ ژی كر» محمەد شیاع سۆدانی، سەرۆك وەزیرێن ئیراقێ ب مە راگەهاند كو ئەڤسالە وەكو سالا بۆری نابیت و پشتەڤانییا شاندێن هەردو ئالییان دكەم».
