شاره‌زايه‌كێ له‌شكرى: د ناڤا مووسل دا پێدڤيه شه‌ر ب هه‌ليكوپته‌ران بهێته كرن
ئه‌ڤرۆ نيوز:
شارەزایەکێ لەشکەری دیارکر کو دڤێت ھێزێن ھەڤپەیمان بۆ شەرێ ناف سەنتەرێ مووسل پتر فرۆکان ھەلیکوپر بکاربینن، چونکە ئەو بۆ شەرێ ناف باژێری تو دشێی بکاربینی، چەند شەر نێزیکی سەنتەر بچیتە ناف باژێری بۆ لەشکەری دێ بزحمەتر کەڤیت، پێشبینی دکەم پتر رۆل بۆ ھەلیکوپترا بیت و ئەگەر ھەڤپەیمانان گەلەک ھەلیکوپتر بەرھەف کربن دشێن شەری زووتر بدووماھی بین، عیراقێ ھەنە لێ تێرا ڤی شەری ناکەن.
عەمید چیایی حەسەن بۆ رۆژناما ئەڤرۆ گۆت: حەشەد شەعبی بخوە محوەرێ تەلەعفەر ھەلبژارتن ب وێ مەرەمێ کو چەند مرۆڤێن مەزھەب شیعە وێ قەزایێ دژین، ئەو ب ئەرکێ خوە دبینن ھاریکاریا ئەڤان مرۆڤێن مەزھەب شیعە بکەن، لدووڤ پلانا ھاتیە دارێتن کو ژ رۆژئاڤا و دناڤبەرا چاریانا (تلەعفەر بۆ مووسل و رەبیعە) چاریانا(گەیارە و حەزەر بیجێ بەغدا) یێ ڤەکری بوو، ژ رۆژا ئێکێ یا دەسپێکرنا شەرێ ئازادکرنا مووسل و ھاتبوو دەست نیشانکرن وەک لەشکری دبێژنێ (دەڤەرا کوشتنێ) کو دوژمن بەر ب وی جھی بیت و کوم بیت و ب رێکا فرۆکان و چەکێ دیتر ب کوژی و دوژمن ژناڤ وەلاتیێن مووسل و خەلکێ سڤیل دەرکەڤیت، لێ ھێشتا شەرێ مووسل باش خورت نەبووی، حەشەدا شەعبی ئەڤ رێیە ل داعش گرت و ئارمانجا وان ئەوە کو دەڤەر بھێتەگرتن یان زووتر بگەھنە تلەعفەر و ئەڤە بۆ زانینا وان ڤەدگەریت، دبینم حەشەد شەعبی دێ پتر توند و تیژی پەیدا بیت و دێ پتر شەر ب زحمەت کەفیت ب ھاتنا حەشەد شەعبی.
شارەزایێ لەشکری، چیایی گۆت: بۆ دەسپێکرنا ھەر شەرەکی تایبەت ل باژێرەکێ مەزنێ وەک مووسل کو ئەم ب زمانێ لەشکەری دبێژینێ(خالا تەماس) کا دێ چەوا دچرکێن شەری دا ل گەل دوژمنێ خوە ئێک دو ببین، دەمێ پلان ھاتیەدانان ھاتیەدیارکرن کو دێ شەرێ ئازادکرنا مووسل ب چەند قوناغا بیت ھەتا ئەڤرۆ قوناغێن شەرێ ئازادکرنێ ئەو بووینە موسل بھێتە دورپێچکرن، شنوو قوناغا ناف مووسل دەست پێکریە و دا بزانین دوژمنێ تە چ بۆ تە بەرھەف کریە، ھێرشا (گوکجەلی) دێ ھەژمێرین شنوو بەر ب سەنتەرێ باژێرڤانیا مووسل، شەرێن رۆژێن بوری ھاتینەکرن ھەموو ئەو شەر بووینە کو ئەف ھێزێن پێشەرویێ دکەن بۆ ناف مووسل بھێنە گیروکرن و رێگر بۆ پێشەویا ھێزێن پێشمەرگەی و ھێزێن عیراقێ بھێتە دروستکرن و ئارمانجا داعش ھەموو رۆژێن بوری ئەو بوویە ئەف ھێزە نێزیکی سەنتەرێ مووسل نەبن، ھێرشێن تاخێ کەرامە دەرزیکن ب دلێ مووسل کەڤن، جھێ نوکە ھێزێن عیراقێ چووینێ و ل دووڤ دیتنا ھەموو شارەزایێن لەشکری ئەم بێژی دێ شەر پتر رەخێ راستێ ھێتەکرن، چونکە پتر عەرەبێن سونە تێدانە و دیسا پتر رێکا ڤەکریە بەر ب سوریێ و بیابانێ بچن و دێ شەر خورت بیت، دێ یا شاش بیت ھەکە ئەف محوەر بەردەوام پێشڤەچوونێ دابیت و محورێن دی پێشڤەچوون نەیا بلەز بیت، پێدڤی یە محوەرێ تلکفێ بەر ب پێشڤەچوونێ بچیت، محوەرێ گوێر سەلامیێ بۆ نەمرو پێشڤەچوونێ بکەت، ل گەل محوەرێ گەیارە بۆ حەمام عەلی دا بشێن ھێزێن حوکمەتا عیراقێ بەلانسا جوگرافی ل ناف مووسل چێ کەت، چونکە شەرێ کولانا زحمەت و ئەگەر محوەرەکی گەلەک چوون داعش شێت ب ساناھی وێ ھێزێ دورپێچ بکەت و دێ زیانێن مەزن ھەبن.
عەمید چیایی گۆتژی: عیراقێ ئەو ھێز ھەیە کولانان شەری بکەت و پولیسێن فیدرال ھاتینە راھێنانکرن و ھێزا دژی تیرورێ یا خورتە بۆ ناف کولانان و نێزیکی (13) سالانە لەشکرێ عیراقێ شەری دکەت دژی گروپێن تیرۆرست، لەشکەرێ شیانێن شەرێ کولانان یێن ھەین، دبینم لەشکەرێ عیراقێ نەیێ بلەز بۆ ئازادکرنا مووسل و ئەڤە دا زەرە کێم ھەبن، نە ب وێ مەرەمێ کو زی نەھێتەئازادکرن، بەلکو دا گیانێ وی خەلکی یێ پاراستی بیت ئەوێن ناف مووسل.
ل دۆر چێبوونا سەرھلدان و رابوونا خەلکێ مووسل و تایبەت ل گەل نێزیکبوونا لەشکرێ عیراقێ، عەمید چیای گۆت: ل دووڤ مێژوویا ڤی باژێری سەرھلدان چو جاران چێ نەبووینە، سالا 1959 بزاڤا شەوافی چێبوو و خەلک گەل رابوون و دژی حوکمەتێ، سالا 1991 سەرھلدان سەرانسەری عیراقێ چێبوو و ھەموو پارێزگەھا و ھەتا چەند تاخێن بەغدا ژی لێ مووسل یا بێ دەنگ بوو، 2003 کەتنا سەدام حسێن دیسا مووسل چو چێنەبوو وەک خو ما، 2014 حوکمەتا ناڤەندی شکەست لەشکری ھندەک خەلکێ ناف مووسل ھاریکاری کر و کەسێ پشتەڤانی ژ حوکمەتێ نەکر، پێش بینیا چو سەرھلدانا ناکەم، بتنێ ھەکە وەلاتی ب کت، یان چەند گرۆپێن بچووک چێ بن، ئەو ژی نە سەرھلدانە، بەلکو گرۆپ و شانێن نفستی نەیێن ھەرێمێ و بەغدا و ئەگەر ئەو بزاڤکێ بکەن ئەو نە سەرھلدانە بەلکو ئەڤە ئەرکێ وانە چونکە ئەو بۆ وێ مەرەمێ وێرێ نە.
ل دووڤ پلانا ھاتیەدانان و خالێن ھاتینە دەست نیشانکرن پێشمەرگە گەھشتە ئەوان خالان، بتنێ ھندەک جە ماینە یێ پاقژ دکەت ژ بەر ھەبوونا بومبا و ئەڤە دا کێمترین زەرھەبن.
شارەزایێ لەشکری ئەو ژی گۆت: ھەکە مووسل ھاتە ئازادکرن و لەشکەرێ عیراقێ دەرکەڤیت بۆ ماوەکێ کورت، چو تشتێ زحمەت روونادەت و بومب و خوە کوژ دێ دکێم بن، ئەو کەسێن مووسل بۆ گرنگ دێ تەماشەی کاودانێن سیاسی کەن، و ھەکە ھات خوە دیت دناڤا دەستھەلاتا مووسل دا؟، دێ ھێدی ھێدی ھێتە چارەسەکرن.