شاره‌زايه‌كێ په‌ترۆلى:بهايێ په‌ترۆلێ دێ گه‌هيته 400 دۆلاران ب گرتنا ده‌ربه‌ندێ هرمز
ئه‌ڤرۆنيوز:
شاره‌زايه‌كێ بوارێ په‌ترۆلێ پێشبينيا وێ چه‌ندێ دكه‌ت بهايێ ئێك به‌رميلا په‌ترۆلێ ل بازارێن جيهانێ بگه‌هيته 400 دۆلاران هه‌كه ده‌ربه‌ندێ هرمز ژئه‌گه‌رێ گرژيێن ل ده‌ڤه‌ري هه‌ين بهێته گرتن.
حه‌مزه ئه‌لجه‌واهرى، شاره‌زايێ په‌ترۆلى، گۆت” هه‌كه هات وده‌ربه‌ندێ هرمز بهيته گرتن دێ بهايێ په‌ترۆلێ گه‌له‌ك بلندبيت وئێك به‌رميلا په‌ترۆلى دێ ب 400 دۆلاران هێته فرۆتن”.
حه‌مزه‌ى زێده‌تر بۆ مالپه‌رێ (المعلومه) گۆت”گه‌له‌ك ژ وه‌لاتێن پيشه‌سازى دێ تووشى قه‌يرانه‌كا ئابوورى يا مه‌زن بن ژبه‌ركو په‌ترۆلێ بۆ كاركرنا گارگه‌هێ خوه دكريت، ديسا گرتنا وى ده‌ربه‌ندى وه‌كو شه‌رێ جيهانى يێ سيێ يه”.
دياركر ژى” عيراقێ ده‌رگه‌هه‌كێ دى يێ هه‌ى بۆ فرۆتنا په‌ترۆلا خوه ب رێيا توركيا وهه‌كه هات و ب وێ رێ بهێته فرۆتن، دێ هه‌رێما كوردستانێ بزاڤێ كه‌ت به‌هره‌ك تێدا هه‌بيت”.