شارەزایەکێ سیاسی: دێ حوکمەتەکا زۆرینە ل کوردستانێ ھێتە پێک ئینان
ئەڤرۆ نیۆز، قائید میرۆ:
شارەزایەکێ سیاسی ئاماژە بڤێ چەندێ دکەت، پشتی ھەلبژارتنێن پەرلەمانێ کوردستانێ دێ ڤێجارێ حوکمەتەکا زۆرینە ھێتە پێک ئینان و دیارکر، حوکمەتا بنکە فراوان شکەستن ئینایە.
دکتۆر نەوزاد محەمەد عەزیز، سەرۆکێ رێکخراوا دووربین بۆ پرسێن سیاسی بۆ رۆژناما ئەڤرۆ گۆت” دیارە ل کابینا بۆری دا حوکمەتا بنکە فراوان ھاتە پێک ئینان، بەلێ مخابن حوکمەتا بنکە فراوان شکەستن ئینا و یا سەرکەفتی نەبی، ئەڤەژی ئەگەرەکبو کابینا نەشیا یا بەردەوامبیت و چەندین لایەنێن سیاسی خوە ڤەکێشا.
سەرۆکێ رێکخراوا دووربین خویاکر” ھەلبژارتنێن 30ی ئیلوونێ دێ ھژمارا کۆرسیێن پارتی دیموکراتی زێدەبن و بڕیارە پارتی و ئێکەتی پێکڤە حوکمەتا زۆرینە پێک بینن، ئەڤەژی د بەرژەوەندیا خەلکێ ھەرێما کوردستانێ دا یە.
دکتۆر نەوزاد عەزیز گۆت” ھەگەر حوکمەتا زۆرینە بھێتە پێک ئینان ھەرێما کوردستانێ ئەزموون یا ھەی دێ پتر شێت خزمەتا وەلاتیان بکەت و لایەنێن دەرڤەی حوکمەتێ ژی دێ وەک ئۆپۆزسیۆن زێدەتر دشێن رەخنا ل حوکمەتێ بگرن و چاڤدێریا کارێن حوکمەتێ بکەن
