شانده‌كێ ئه‌مريكى بۆ دانوستاندنان چوونه ناڤ ئاخا كوريا باكوور
ئه‌ڤرۆ نيوز، فاتما مزوورى:
رۆژنامەیا واشنتن پۆست بەلاڤ کریە کو ھەژمارەک بەرپرسێن ئەمەریکی ل کۆریا باشوور چوونە ناڤ خاکا کۆریا باکوور ژبۆ دەستپێکرنا گۆتۆبێژان ل سەر ئامادەکاریێن کۆنگرا کۆپێتکا ناڤبەرا دۆنالد ترەمپ سەرۆکێ ئەمەریکا و کیم جۆنگ ئۆن سەرۆکێ کۆریا باکوور.
ئەو تیما ئەمەریکی بریتیە ژ ھەر یەک ژ کیم سانگ بالیۆزێ ئەمەریکا ل فیلیپین و بالیۆزێ بەرێ یێ ئەمەریکا ل کۆریا باشوور، خاتۆ ئەلیسۆن ھۆکەر بەرپرسا پسپۆر د کارۆبارێ کۆریا د جڤانا نەتەوەیێن ئەمەریکا و راندال شرایڤەر جێگرێ وەزیرێ بەرگریا ئەمەریکا بۆ کارۆبارێ ئاسیا و ئۆقیانۆسا ئارام و تێ پێشبینی کرن کو گۆتۆبێژ ناڤبەرا وێ تیما ئەمەریکی و بەرپرسێن کۆریا باکوور رۆژێن دووشەم و سێشەم بەردەوام بن.
