شانده‌كێ بلندێ عیراقێ گه‌هشته هه‌رێمێ
ئه‌ڤرۆ نیوز:
شانده‌كێ حوكمه‌تا عیراقێ ئه‌ڤرۆ ب سه‌رپه‌رشتیا عه‌لى عه‌لاق، پارێزگارێ به‌نكا ناوه‌ندیا عیراقێ گه‌هشته هه‌ولێر، عه‌لى عه‌لاق پارێزگارێ به‌نكا ناوه‌ندیا عیراقێ راگه‌هاند” ئاماژێن ڤێ دووماهیێ به‌لگه‌نه ل سه‌ر باشتربوونا ره‌وشا د ناڤبه‌را به‌غدا و هه‌رێمێ دا و ژ بلى رێككه‌فتنێ مه چو بژارده‌كا دى نینه”.
سه‌باره‌ت هنارتنا 250 ملیون دولاران بۆ لقا بانكا ناوه‌ندى ل هه‌ولێرێ، عه‌لى عه‌لاق گۆت” ب ره‌نگه‌كێ ئاسایى ، بانكا ناوه‌ندى پاران ل لقێن خوه ددانیت، ئه‌گه‌ر حوكمه‌تا عیراقێ نیازا مه‌زاختنا مووچێ فه‌رمانبه‌رێن هه‌رێمێ هه‌بوو، كو ئه‌م هیڤیخوازین ئه‌ڤ چه‌نده بجه بهێت، وى ده‌مى ئه‌م ژى د به‌رهه‌ڤین بۆ مه‌زاختنا وى پاره‌ى، به‌لێ ئه‌ڤ چه‌نده پێدڤى ب راسپارده و بڕیارا سه‌رۆك وه‌زیرێن عیراقێ ڤه هه‌یه”
