شاندەکێ حوکمەتا هەرێمێ دێ سەرەدانا بەغدا کەت
ئەڤرۆ نیوز:
سەرۆکێ نوونەراتیا حوکمەتا هەرێما کوردستانێ ل بەغدا راگەهاند کو دهێتە چاڤەرێکرن شاندەکێ حوکمەتا هەرێما کوردستانێ د چەند رۆژێن داهاتی دا سەرەدانا بەغدا بکەت و ل گەل بەرپرسێن عیراقێ ل دۆر چارەسەرکرنا پرسا بۆدجەی و مووچێن فەرمانبەرێن هەرێما کوردستانێ دەست ب کۆمبوونان بکەت.
فارس عیسا ئەو یەک ژی دیار کر کو پشتی پەرلەمانێ عیراقێ یاسا قەری پەسەند کری و مافێن هەرێما کوردستانێ تێدا نەهاتینە دیار کرن هەرێما کوردستانێ ژی دێ دەست ب گەرەکا دی یا دانوستاندنان کەت و دهێتە چاڤەرێکرن کو پشتی کۆمبوونا هەر سێ سەرۆکاتیێن هەرێما کوردستانێ شاندێ هەرێما کوردستانێ ژی سەرەدانا بەغدا بکەت.
