شاندەکێ سه‌دری و عه‌بادی دێ هێتە كوردستانێ
ئەڤرۆ نیوز ، زنار تۆڤی:
میدیایێن عێراقی بەلاڤە كریە، کو بریاره د دەمەکێ نێزیك دا شاندەکی هەڤپه‌یمانیا نه‌سر و سائیروون بگەهنه هه‌ولێرێ و ل گه‌ل پارتی دیموكراتی كوردستان كۆم ببن.
مالپەرێ بەغداد ئەلیەوم راگه‌هاندیە کو سه‌رۆك بارزانی بۆ شاندێ فه‌تح و ده‌ولەتا قانوونێ مه‌رجێن كوردان بۆ چوونا ناڤ وێ هەڤپه‌یمانیا سیاسی ل گه‌ل هه‌ردوو لیستان راگه‌هاندیە، كو خوە د ئێکلا بکەن د مادێن دستووری دا ب تایبه‌ت مادێ 140 و پشكا هه‌رێما كوردستانێ د بودجه و مووچێ پێشمه‌رگەی و قانوونا نه‌فت و گازێ و وی شاندی ژی دووپات كریه، كو ئه‌و دێ وان مه‌رجان ل گه‌ل سه‌ركردێن خوە گوتۆبێژ كه‌ن.
هەروەسا گوتیە، د رۆژانێن بهێن دا شاندێ هەڤپه‌یمانیا نه‌سر و سائیروون کو عه‌بادی و سه‌در رێبه‌راتیا وان دکەن، دێ نوونەرێن وان گه‌هنه هه‌ولێرێ بۆ دیدارێ ل گه‌ل سه‌رۆك بارزانی، هەروەسا هەتا نوکە پارتی دیموكراتی كوردستان خوە ئێكلا نه‌كریه كو دێ هەڤپه‌یمانیێ ل گەل کیژ لایه‌نی گرێدەت.