شاندەکێ ھەرێمێ دێ سەرەدانا بەغدا کەت
ئەڤرۆ نيوز:
عادل عەبدولمەھدی وەزیرێ پەترۆلا عیراقێ بۆ لیژنا پەترۆلێ ل پەرلەمانی راگەھاندیە کو شاندەکێ ھەرێما کوردستانێ ل سەر ئاستەکێ بلند د چەند رۆژێن بھێت دا دێ سەرەدانا بەغدا کەت و گۆت:(بڕیار یا ل گەل وی شاندی ھەی بۆ وێ چەندێ ل گەل حوکمەتا عیراقێ بگەھنە رێککەفتنێ).
بڕیارە نێچیرڤان بارزانی سەرۆک وەزیرێن ھەرێما کوردستانێ پشتی ژ کۆمارا ئیسلامیا ئیرانێ ڤەدگەریت، ب سەرۆکاتیا شاندەکی سەرەدانا بەغدا بکەت و ل گەل عەبادی و مەزنە بەرپرسێن عیراقێ کۆم ببیت.
سەعەد حەدیسی پەیڤدارێ نڤێسینگەھا حەیدەر عەبادی سەرۆک وەزیرێن عیراقێ بۆ “رووداو” راگەھاند ھەتا نوکە چو ژڤان بۆ سەرەدانا نێچیرڤان بارزانی بۆ بەغدا نەھاتینە دیار کرن و گۆت:( پێشوازیێ ل سەرەدانا سەرۆک وەزیرێن ھەرێما کوردستانێ دکەین و دەرگەھێن بەغدا ل ھەمبەر ھەر سەرەدانەکا وی د ڤەکرینە).
