شانۆگەریەك ل دۆر جینۆساید و ئەنفالێ ل وەلاتێ (رووسیا) هاتە نیشادان
زنار تۆڤی
نەژاد نەجم، دەرهێنەر و رێڤەبەرێ گرۆپێ شانۆیا هەوار، د دیدارەكێ دا بۆ رۆژناما ئەڤرۆ گۆت: گرۆپێ مە ل باژێرێ كەركووكێ، ب شانۆگەریا (سەلما) پشكداری د گەڕا هەشتێ یا فیستەڤالا نێڤدەولەتییا ئۆسترۆڤسكە- فێست، ل باژێرێ كینیشمێی ل سنۆرێ پارێزگەها ئیڤانۆڤە ل وەلاتێ رووسیا دا كر.
ناڤهاتی گۆت: ئێكەم جارە گرۆپەكێ شانۆیا كوردی ب جلكێن كوردی پشكداری د ڤێ فیستەڤالا نێڤدەولەتی دا دكەت، مە ب زمانێ كوردی بەرهەمێ خۆ نیشا خەلكێ بەرهەڤبوویی دا، ئەڤ شانۆگەرییە بەحسێ جینۆسایدا ئەنفالێ و كۆچكرنا خەلكێ كوردستانێ دكەت، شانۆگەری ژ نڤیسینا د. دلشاد مستەفایە، كارێ سینۆگرافیا و دەرهێنانا وێ شانۆگەریێ ژلایێ من و هەوار فارسی ڤە هاتیە كرن.
