شاه سه‌لمان بۆ ماكرۆنی : هەکە ده‌وحه سیسته‌مێ S400 بكریت دێ هێرشێ كه‌ینه سه‌ر قه‌ته‌ر
ئەڤرۆ نیوز ، تۆڤی :
لدووڤ نووچەکێ رۆژناما لۆمه‌ند یا فر‌نسی، سعودیێ داخواز ژ فرنسا كریه ، هەکە قه‌ته‌ر رازی بكەت کو ده‌ستا بەردەت ژ كرینا سیسته‌مێ به‌رگریێ یێ موشه‌كا S400 یێ رووسی ، لێ هەکە رازی نەکەت ریاز یا ئاماده‌یه ل دژی قه‌ته‌ری ده‌ست ب كریارێن سه‌ربازی بکەت.
راگه‌هاندنا فه‌رمی یا حوکمه‌تا فرنسا راگه‌هاندیه كو نه كۆچكا ئێلیزێ و نه وه‌زاره‌تا ده‌رڤە یا فرنسا هەتا نوکە هیچ هه‌لویستەک بۆ ڤی نووچەی نه‌خستیە گەر.
هتروەسا،گوتیە ، کو شاه سه‌لمانی پاشایێ سعودیه ل ڤێ دووماهیێ نامه‌ک بۆ ئیمانوێل ماكرۆنێ سه‌رۆكێ فرنسا هنارتیه كو تێدا دیارکریە : سعودیه یا ئاماده‌یه هێرشێ بكەته سه‌ر وەلاتێ قه‌ته‌ر ، ئه‌و ژی هەکە ئه‌ڤ وەلاته سیسته‌مێ به‌رگریا موشه‌كی یێ S400 ژ رووسیا بكریت ، لەوما ل گەل باخڤن داکو ژ بریارا خوە لێڤە ببیت.
شاه سه‌لمانی د وێ نامێدا یاکو بۆ ماكرۆن هنارتی بەحسێ نیگه‌رانیا وەلاتێ خوە كریه سه‌باره‌ت ب دانوستاندنێن دناڤبەرا رووسیا و قه‌ته‌ر ، دیسا هەکە قه‌ته‌ر ببیتە خودانا وی به سیسته‌مێ موشه‌كی ، سعودیه یا ئاماده‌یه هه‌موو رێكاران بگریته‌به‌ر بۆ ژناڤبرنا وان.
ئه‌ڤ نووچە پشتی هندێ بەلاڤبوویە ، دەمێ ل دووماهیا هەیڤا ئێک یا ئه‌ڤسالە فه‌هد بن محه‌مه‌د ئال عه‌تیه بالیۆزێ قه‌ته‌ر ل مۆسكۆ راگەهاندی کو قەتەر یا مژیلی دانوستاندنایە بۆ كرینا سیسته‌مێ به‌رگریا موشه‌كی یێ S400 ژ رووسیا.