شاھێ ئوردن داخواز پڕچەککرنا کوردان دکەت
ئەڤرۆ:
شاھێ ئوردن راگەھاند، پێدڤیە ئەم ھەموو وێ راستیێ بزانین کو داعش مەترسیە بۆ سەر جیھانێ و نابیت ب تنێ ل عیراق و سووریێ روو ب روو ببین، بەلکو پێدڤی ب وێ یەکێ ھەیە ستراتیژیەکا ئێکگرتی دانین.
عەبدوللایێ دویێ بۆ کەنالێ ABC یێ ئەمریکی گۆت ژی: “چاوا نوکە ل سەر مە پێدڤیە بزاڤێن خوە ل عیراق و سووریا خورت بکەین، وەسا پێدڤیە پرۆگرامەکێ ھەرێمی بۆ سەرەدەریکرنێ ل گەل مەترسیا داعش دابرێژین”.
شاھێ ئوردن دوپاتی ل وێ یەکێ کر کو رەوش ل عیراقێ پیچەک ژ سووریا جودایە و پێدڤیە پشتەڤانیا کوردان بھێتە کرن و پرچەککرنا کوردان گرنگیەکا مەزن یا ھەی.
