شه‌ره‌بۆكسانێ د ناڤ په‌رله‌مانى دا روودا
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان راگه‌هاند كو دو په‌رله‌مانتارێن پارتى و ئێكێ گۆڕان ب شه‌ر چوون.
په‌رله‌مانتاره‌كێ پارتى بۆ رووداو گۆت: “په‌رله‌مانتارێ گۆڕان عه‌لى حه‌مه سالح د ناڤ روونشتنا په‌رله‌مانى يا ئه‌ڤرۆ دا به‌حس ل ماوێ سه‌رۆكاتيا سه‌رۆكێ هه‌رێمێ كريه و ژ به‌ر كو ئه‌و بابه‌ت د به‌رنامێ كارێ په‌رله‌مانى دا نه‌بووينه دو په‌رله‌مانتارێن پارتى ل گه‌ل ب شه‌ر چووينه”.
زۆزان سادق تروانشى ئه‌نداما په‌رله‌مانێ كوردستانێ ل سه‌ر فراكسيۆنا زه‌ر بۆ ئه‌ڤرۆ نيوز گۆت: “روونشتنا وان به‌رده‌وامى دانه ب دانوستاندنێ ل سه‌ر پرۆژێ سندوقا داهاتێن په‌ترۆل و گازێ ل هه‌رێما كوردستانێ و ده‌نگدان ل سه‌ر باوه‌رى دان ب سووند خوارنا وه‌زيرێ هه‌رێمێ بۆ كاروبارێن كوچ و كۆچبه‌ران، غازى سه‌عيد سلێمان”.
زۆزان خانێ ئاماژه ب وێ چه‌ندێ ژى كر پرۆژێ سندوقا داهاتێن په‌ترۆل و گازێ ل هه‌رێما كوردستانێ ژ 16 ماده و شه‌ش پشكان پێك دهێت و هه‌تا نوكه چار پشك و حه‌فت ماده هاتينه په‌سه‌ند كرن و گۆت: “ئه‌و مادێن هاتينه په‌سه‌ندكرن ئه‌ون يێن پتر هه‌ڤركى ل سه‌ر هه‌ين”.
