شه‌ر دناڤبه‌را داعش و چه‌ند وه‌لاتیێن مووسل دا په‌یدا دبیت
ئه‌ڤرۆ نیوز، هه‌ژار مه‌موزینی:
ئه‌ڤرۆ ئێڤاری به‌شه‌كێ زۆر ژ خه‌ڵكی مووسلی ب تایبه‌تی ژی به‌شێ چه‌پێ كو بارا پتریا وان كوردنشینن هێرش كرنه سه‌ر باره‌گه‌هێن داعشی و ل هه‌مبه‌ر دا ژی چه‌كدارێن داعشێ ره‌ڤین بۆ ره‌خێ راست. سه‌عید مه‌موزینی به‌رپرسێ ڕاگه‌هاندنا لقا 14 يا پارتی ل مووسل بۆ ئه‌ڤرۆ نيوز خویاكر كو ئێڤاریا ئه‌ڤرۆ به‌شه‌كێ زۆر ژ خه‌لكی مووسل ئێرش ژبۆ سه‌ر باره‌گاهێن داعشێ پێكئینا و ل هه‌مبه‌ر دا ژی چه‌كدارێن داعش ره‌ڤین بۆ ڕه‌خێ راستی باژاری مووسڵ. مه‌موزینی دیار كر ئه‌و ئیرشا خه‌ڵكی بۆ وێ یه‌كێ دزڤریت كو خه‌لك ل سیاسه‌تا داعشێ گه‌له‌ك نه‌رازینه و ژبه‌ر زولما وان ڕابینه. سه‌عید مه‌موزینی گوت ژی ئه‌ڤ رابونه بویه سه‌ده‌می ویێ یه‌كێ كو داعش گه‌له‌ك هێزێن خوه ل باشیك و حه‌مدانیه و به‌رتله بۆ ناڤا موسلی ڤه‌گوێزیت. ناڤبری دیارژی كر كو ئێریش ل تاخێ(حه‌یل عه‌ره‌بی و فه‌یسه‌لیه و حه‌یل ئینتیسار و ره‌شیدیه وعه‌ده‌ن )ڤه گرتیه و خه‌لك ده‌ست ب سه‌ر ده‌زگه‌هێت داعشی گرتینه. سه‌عید مه‌موزینی ئاماژه‌ی ب وی یه‌كێ ژی كر كو د ئه‌نجاما ئێرشا خه‌لكی بۆ سه‌ر داعشی زێده‌تری 50چه‌كدارێن داعش هاتنه كوشتن.
