پێشمه‌رگه‌ى ب توندى به‌رسڤا هێزێن عیراقێ ل رۆژئاڤایێ دیجله دا
ئه‌ڤرۆ نیوز ، نه‌وزاد هلۆرى:
سپێده‌یا ئه‌ڤرۆ ل سنوورێ مێحوه‌رێ رۆژئاڤایێ دیجله حه‌شد شه‌عبى و سوپایێ عیراقێ هێرشه‌ك بو سه‌ر سه‌نگه‌رێن پێشمه‌رگه‌ى ده‌ستپێكر ، و هه‌تا نها شه‌ر به‌رده‌وامه.
فه‌رمانده‌یه‌كێ پێشمه‌رگه‌ى ل مێحوه‌رێ رۆژئاڤایێ دیجله تایبه‌ت بو ئه‌ڤرۆ نیوز گۆت: (سپێده‌یا ئه‌ڤرۆ هێزێن حه‌شد شه‌عبى و سوپایێ عیراقێ ل مێحوه‌رێ رۆژئاڤایێ دیجله ل نێزیك زمار هێرشه‌كا به‌رفره‌هـ بو سه‌ر سه‌نگه‌رێن پێشمه‌رگه‌ى ده‌ستپێكریه به‌لێ هێزێن پێشمه‌رگه‌ى ب توندى به‌رسڤ وان دایه و زیان ژى ب وان گه‌هاندینه ، به‌لێ ژ به‌ركو هێشتا به‌رده‌وامه زیانێن وان ناهێنه زانین ، به‌لێ هژماره‌كا زور كوشتى و بریندار ژ حه‌شد و سوپاێى عیراقێ هه‌نه)
ژلایه‌كێ دنڤه ل گوره‌ى زانیارییێن ئه‌ڤرۆ نیوز حه‌شد ب گوله هاونان سه‌نگه‌رێن پێشمه‌رگه‌ى ل سحێلا ژى بومبه‌بارانكریه ، پاشان پێشمه‌رگه‌ى ژ وان هاتینه ده‌نگ و هێرش بو سه‌ر وان ده‌ستپێكر و دئه‌نجامێ شه‌ر و روو ب روو بوونان هێزێن پێشمه‌رگه‌ى شیان دوو هێرشێن حه‌شد ل گوندێن به‌ردیه و حه‌مه‌د ئاغا ژناڤ ببه‌ن.
