شوفێرى مه‌ى ڤه‌خوار بوو… ئێكى گيانێ خوه ژ ده‌ست دا و دو بريندار بوون
ئه‌ڤرۆ نيوز:
رێڤه‌به‌ريا هاتنوچوونێ ل پارێزگه‌ها دهۆكێ راگه‌هاند كو ئه‌ڤرۆ سپێدێ زوو ژ ئه‌نجامێ وه‌رگه‌ريانا ترۆمبێله‌كێ كه‌سه‌كى گيانێ خوه ژ ده‌ست دا و دو بريندار بوون.
رائيدێ مافپه‌روه‌ر، ئازاد تاها، به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤ سپێدێ زوو و ل ده‌مژمێر 4:15 خۆله‌ك ل سه‌ر رێيا دهۆك بۆ باعه‌درێ و ل نێزيك گۆندێ چه‌مان ترۆمبێله‌كا ژماره دهۆك تايبه‌ت BMW پشتى ژ بن كونترۆلا شوفێرى ده‌ركه‌فتى وه‌رگه‌ريا”.
رائيدێ مافپه‌روه‌ر زێده‌تر گۆت: “ژ ئه‌نجامێ ڤێ وه‌رگه‌ريانێ كه‌سه‌كى گيانێ خوه ژ ده‌ست دايه و دو كه‌س ژى د بريندارن”، دا زانين ژى كو ل دووڤ راپۆرتا نوشدارى “شوفێرى مه‌ى ڤه‌خوار بوو”.
