شيره‌تكاره‌كێ بارزانى: هه‌رێم و به‌غدا دێ پێكڤه نه‌خشه رێيا ئيداره‌كرنا مووسل دانن
ئه‌ڤرۆ نيوز:
شيره‌تكارێ راگه‌هاندنێ ل نڤيسينگه‌ها سه‌رۆكێ هه‌رێما كوردستانێ، رۆژا ئێكشه‌مبى، راگه‌هاند كو سه‌ركه‌فتنێن هاتينه پێش ئه‌نجامێ هه‌ماهه‌نگيا ناڤبه‌را سه‌ركردێن هه‌رێما كوردستانێ و حوكمه‌تا فيدرال بووينه و دا زانين كو ئه‌ڤه دێ بيته ئه‌گه‌ر له‌ز د چاره‌كرنا هه‌موو كێشێن هه‌لپساردى دا بهێته كرن و هه‌ردولا دێ رێيا ئيداره‌كرنا مووسل دانن.
كيفاح مه‌حمود بۆ سومه‌ريه نيوز گۆت: “سه‌ره‌دانا سه‌رۆك وه‌زيرێن عيراقێ، حه‌يده‌ر عه‌بادى بۆ هه‌ولێر ل پشت وان سه‌ركه‌فتنێن گرنگه يێن هێزێن پێشمه‌رگه‌ى و هێزێن عيراقێ ل هه‌موو سه‌نگه‌ران”، دا زانين ژى كو بارزانى و عه‌بادى د كۆمبوونا خوه دا ته‌كست ل سه‌ر هه‌ماهه‌نگيا بلندا د ناڤبه‌را هێزێن هه‌رێما كوردستانێ و يێن حوكمه‌تا فيدرال دابوويه ئه‌وێن به‌رهه‌مێ خوه به‌رچاڤكرى و هه‌موو ئاسته‌نگێن ده‌مكى بڕين و شياين د ده‌مه‌كێ گۆنجاى دا چه‌ندين جهێن گرنگێن داعش ل باكوور و باشوور و رۆژهه‌لاتێ باژێرى بگرن”.
گۆتژى: “كونترۆلكرنا حه‌مدانيه و به‌رتله و فازليه و ده‌ڤه‌رێن ده‌وروبه‌رێن مووسل به‌رهه‌مێ هه‌ماهه‌نگيا ناڤبه‌را هه‌رێم و به‌غدايه”، دا زانين ژى كو “ئه‌ڤ ده‌ستكه‌فته مزگينيا سه‌ركه‌فتنا ب ئێكجارى يا سه‌ر داعشن”.
ئاماژه ب وێ چه‌ندێ ژى كر كو ئه‌ڤ سه‌ركه‌فتنێن ژ ئه‌نجامێ تێكگه‌هشتن و هه‌ماهه‌نگيا د ناڤبه‌را هه‌رێما كوردستانێ و حوكمه‌تا فيدرالى هاتين دێ بنه پالده‌ر هه‌ردولا باشتر بزاڤێن خوه بێخنه گه‌ر ژ بۆ چاره‌كرنا ئه‌و كێشێن هه‌لاويستى يێن هه‌ين و گۆت: “هه‌ردولا دێ نه‌خشه رێيه‌كێ بۆ ب رێڤه‌برنا مووسل دانن و پاقژكرنا وان ژ هزر و ره‌وشه‌نبيريا رێكخراوا داعش يا تيرۆرستى”.
