شيره‌تكارێن ئه‌مريكى گه‌هشتنه بنگه‌هێ سه‌ربازى ل ديالا
ئه‌ڤرۆ نيوز:
چه‌ند ژێده‌رێن سه‌ربازى ل ديالا راگه‌هاند كو ئه‌ڤرۆ رۆژا چارشه‌مبى چه‌ند شيره‌تكارێن سه‌ربازى يێن ئه‌مريكى گه‌هشتنه بنكێ سه‌ربازى يێ كه‌ركوش ل رۆژهه‌لاتا ديالا.
ئه‌ڤى ژێده‌رێ نه‌خواستى ناڤێ وى بۆ شه‌فه‌ق نيوز بهێته ئاشكه‌را كرن دياركر كو شيره‌تكارێن له‌شكرى يێن ئه‌مريكى دێ كارێن راهێنانێن سه‌ربازى و شيره‌ت و چاوانيا بكارئينانا شه‌رى و هێزێن ئه‌منى يێن عيراقى ب ده‌ست خوه ڤه گريت هه‌مبه‌ر شه‌رێ داعش.
ئه‌ڤى ژێده‌رى هژمارا شيره‌تكران و جۆرێ راهێنان و ئه‌و ئاميرێن دێ راهێنان ل سه‌ر كه‌ن ئاشكه‌را ژى نه‌كرن.
به‌رى نوكه وه‌لاتێ ئه‌مريكا بڕيارا هنارتنا هژماره‌كا شيره‌تكارێن سه‌ربازى بۆ بنكێن سه‌ربازى يێن عيراقى راگه‌هاند بوو دا كو سه‌ربازێن عيراقى پێ بگه‌هينن بۆ شه‌رێ دژى چه‌كدارێن داعش.
نوكه ل ديالا چه‌كدارێن داعش ده‌ست ب سه‌ر روويه‌كێ زۆر يێ ئه‌ردێ وێ پارێزگه‌هێ دا گرتيه و خوه بۆ شه‌رێ مه‌زن يێ به‌غدا ئاماده دكه‌ن ب گۆره‌ى داخۆيانيێن وان.
